Thursday, December 08, 2005
分離書信
親愛的丈夫:
經過我詳細的考慮, 我認為我都是離開你比較好。
我們一起已經七年了, 七年來我自問盡力做一個好太太, 昨日我剛剛收到你公司的來電, 得知你已辭工的消息。 老實說, 我對你的將來有一點擔憂, 上星期, 我去剪左一個新髮型, 煮左一些你鍾意食的食物, 著左一套新買的睡衣。 你返到屋企, 餐飯食左兩分鐘你就去左睇波, 睇完波就去睡覺,望都無望我一眼。
我多渴望你可以抱我一下, 說一聲你愛我, 即使是騙我也好, 無論何如, 我走了, 保重。註: 請不要找我! 我已經搬左同偉文一齊住, 重新建立一個美好的生活。
你的前任太太
親愛的前任太太:
收到妳的分手信, 我感到無限傷心。 無錯, 我地一齊已經七年。 之不過你是否一個好太太, 我心內卻有疑問。
我去睇波, 只係因為我唔想聽到妳講野, 不過似乎作用不大。 當然, 我上星期我留意到你剪短左頭髮, 不過我見到第一個印象覺得妳好似一個男人。 妳要知道我唔識講大話, 又唔想傷妳心。 所以我無講野, 妳煮那餐晚餐確是花了很多心機, 不過, 唔知你記唔記得, 係妳煮飯時當我左我係偉文, 我已經戒食豬肉十幾年了。 可能你太大意了, 妳套睡衣上星期著時唔記得除價錢牌, 上面寫住$4,999, 咁啱上星期偉文問我借左五千蚊, 我希望呢個係一個巧合。 但無論如何, 我心內還是愛著妳的, 所以當我知道自己中左五千萬六合彩時, 立即辭工同買左兩張機票, 諗住同妳去夏威夷渡假。 但當我返到屋企, 諗住同妳講時, 妳已經走左, 或者冥冥中總有主宰, 我地係無緣做夫妻。
今日我去律師行幫你問左, 如果離婚我要分幾多錢比妳, 點知律師睇左妳寫比我封信, 就話一毫子都唔需要比。 點都好, 保重。
註: 我唔記得我有冇同妳講過, 我一生人最好的朋友, 偉文, 係一個變性人, 十年前佢仲係一個女人, 不過我希望呢個對妳唔會造成問題。
妳的前任老公
我的想法: 本來不想連續兩天談論感情, 但當看到這故事, 了解凡事有兩面觀點, 希望朋友作參考。
妻子覺得丈夫忽視自己, 丈夫對她又以逃避心態, 結果, 大家不歡而散。
Subscribe to Posts [Atom]
